Одбојка

Одбојкарската федерација на Македонија денес ги одреди четвртфиналните парови од Купот. Бранителоте на титулата Џио Струмица за противник го добија тимот на Дибра волеј, а во пресметката на состави од главната лигашка фаза, Вардар ќе се сретне со Весна Пробиштип. Шкендија ќе игра со Лирија, додека, пак, УГД Студент ќе сервира против Универзитет во Тетово. Тоа ќе биде соочување на екипи коишто во учествуваат во помалку атрактивниот дел, а тоа е Втората фаза-2.

На неколку дена до почетокот на пролетниот дел на одбојкарскиот шампионат на Македонија, актуелниот освојувач на двојната круна од минатата сезона, Џио Струмица денес одигра пријателски меч со грчкиот прволигаш Елпис Ампелокипон во Солун и забележа победа од 1-3 во сетови. Струмичани со новите засилувања ќе се обидат да го превземат приматот од скопски Вардар и да ги одбранат титулите од последната сезона.

Вториот дел од сезоната на одбојкарските терени кај нас ќе почне со натпреварите од претколото за четвртфинале во Купот во женска конкуренција. Во оваа фаза ќе играат осумте екипи коишто во есенскиот сегмент во првенството остварија пласман од петтото до 12-тото место. Според правилата, во домашна сала ќе настапат тимовите коишто во лигата остварија подобар пласман, а со оглед дека нема реванши, туку победниците директно ќе одат во четвртфиналето, тоа за нив ќе биде голема предност во обидот да стигнат што подалеку во македонскиот одбојкарски куп.

Европската одбојкарска федерација денес ги извлече групите за Европското првенство во 2021 година. По успешниот експеримент, пак четири земји ќе го организираат континенталниот собир. На првенството во Полска, Чешка, Естонија и Финска, вторпат ќе учествуваат 24 селекции, а нашиот национален тим се надева дека вторпат по ред ќе учествува на континенталниот собир.

Градот Струмица е престолнина на македонската одбојка според неколку параметри. Екипата на Џио Струмица е актуелен шампион и освојувач на купот во машка конкуренција, а три од четирите женски екипи од овој град ќе играат во втората фаза од лигата. Имајќи предвид дека две третини од националниот состав, којшто остави позитивен впечаток на дебито на европските првенства во Љубљана минатиот септември, e составен од играчи од Струмица, тогаш со право основоположниците на струмичката одбојка се горди на досегашните резултати. Но тие се дел од минатото, а сегашните одбојкарски ентузијасти се обидуваат да го задржат нивото на создавање играчи коишто ќе понудат нов квалитет. Оттука, училиштниот проект на ЦЕВ во соработка со ОФМ, беше само едно парче од мозаикот на клубот Џио Струмица во обидот да привлече ученици коишто ќе почнат редовно да тренираат одбојка.

Одбојкарите на Фридрихсхафен не се така убедливи како што играа на почетокот на сезоната во германската Бундеслига. Екипата на капитенот на македонската репрезентација Никола Ѓорѓиев претрпе изненадувачки пораз на гостувањето кај Елтман, тим кој се наоѓа на последното место на табелата.

Одбојкарскиот клуб Универзитет во Тетово го доведе во своите редови колумбискиот репрезентативец Иван Андрес Хуртадо Мина. Играчот доаѓа од екипата Алфаисали од Саудиска Арабија.