Одбојка

Лидерот Наковски Волеј и второпласираниот тим на табелата Младост УГД го потврдија своето место во полуфиналето на плејофот во Првата лига жени. Конкуренцијата треба да ја добијат најрано на средината на следната недела кога се играат реванш натпреварите од преостанатите два четвртфинални дуели.

Министерството за спорт додели парични награди за двете најдобри екипи на 33. издание на Купот на ОФМ 2026, во женска и во машка конкуренција, Вардар ЕМ и Штип УГД. За освоените титули и промоција на спортот и спортските вредности ОК Штип УГД ќе добие 1.000.000 денари, а ЖОК Вардар ЕМ 500.000 денари.

Лидерот Штип Угд и Борец Велес победнички ја отворија полуфиналната серија во Првата лига мажи.

Одбојкарките на Младост УГД направија крупен чекор кон пласман во полуфиналето од плејофот во Првата лига жени, откако во првиот четвртфинален дуел славеа убедлива победа од 3-0 (25-19, 25-19, 25-15) против ЖОК Вардар ЕМ Скопје.

Четирите екипи кои викендов беа дел од финалниот турнир од Купот на ОФМ 2026, ќе ги гледаме и во завршницата од првенството, односно во „трката“ за шампионската титула во сезоната 2025/2026. Куп освојувачот, Штип УГД и Работнички 71&22, односно ГОК Борец и актуелниот шампион Струмица 47&72 ќе се соочат во полуфиналето на првенствениот плејоф во Првата лига мажи, чие разигрување беше комплетирано на почетокот на оваа недела.

Одбојкарките на Вардар ЕМ испишаа историја, освојувајќи го првиот трофеј во својата кратка клупска историја! Во големото финале од женскиот Куп на Македонија, „црвено-црните“ одбојкарки приредија изненадување и против фаворизираниот тим на Наковски Волеј славеа со убедливи 3-0. По сетови беше 25-22, 25-12 и 25-22.

Одбојкарите на Штип УГД по третпат во низа ќе играат финале во Купот на Македонија. Во првото полуфинале од завршниот турнир кој што се игра во „Јане Сандански“ во Скопје, штипјани со убедливи 3-0 (25-17, 25-18, 25-12) славеше над екипата на Струмица.

Тренерот на екипата на Младост УГД, Кристина Лазаровска, ги изнесе своите очекувања за полуфиналниот натпревар во Купот на Македонија, каде нејзините избранички ќе се соочат со директниот конкурент за титулата, Наковски Волеј.