Куглање

Во македонската кугларска лига завршен е есенскиот дел, а на сила е зимската пауза во која се играат државните поединечни првенства. По крајот на есенста етапа од сезоната 2019/20 година на страницата на федерацијата поставени се просечните резултати на играчите.

Ретко кој веруваше дека еден спорт каков што е куглањето за многу краток период може да ги освои симпатиите на младите битолчани. Ако до пред некоја година кугланата беше мрачен тунел, денес блеска како никогаш досега и од истата никнуваат млади таленти од кои се очекува да бидат идни битолски и македонски ѕвезди во овој спорт. Ланскиот премиерен проект „Кугламе и сме среќни“, воден од неколку амбициозни куглари од градот на конзулите, донесе резултати за почит и прволигашки женски клуб, а од овогодишниот се очекува преку 600 ученици да се запознаат со тајните на оваа игра кој од ден во ден зема сè поголем замав во Битола.

Со убедливиот триумф на Макпетрол над Вардар вчера беше комплетирано петтото коло од кугларскиот шампионат на Македонија. Шампионот одигра нов моќен натпревар и со високи 7-1 славеше над градскиот ривал, со што ја продолжи серијата победи, која започна од самиот старт на новата сезона. 

По три одиграни кола во новата сезона на кугларскиот шампионат, најдобрите клубови во следната седмица ќе учествуваат на три големи европски натпреварувања. 

Со три натпревари, сите одиграни во кугланата „Мусандра 1-4“, изминатиов викенд стартуваше новиот шампионат на Македонија во куглање. 

Најдобриот тим во Европа купот е најзвучното име кое ќе дојде во Скопје на турнирот кој го организира КК Вардар.  На 7 септември во кугларницата „ВИП“ при СЦ „Борис Трајковски“ ќе се одрижи интернационален турнир „8 септември“, кој се организира по повод денот на независноста на нашата земја.

Во пресрет на подготовките за новата сезона во кугларскиот шампионат на Македонија, екипата на Вардар под полна пареа работи на екипирање на својот ростер. 

Со очекуван и предвидлив пораз од Србија, македонската кугларска репрезентација го заврши настапот на Светското првенство во Прага. По подолго време нашите куглари одиграа големо натпреварување и покажаа дека нашата земја има што да каже во овој спорт и на големата сцена.

Кугларската репрезентација на Македонија по пауза од шест години повторно пријави своја екипа на еден планетарен собир.