Кошарка

Кошаркарот на Реал Мадрид, Еди Тавареш ќе отсуствува извесно време од терените поради повреда на скочниот зглоб. Тавареш се повреди пред три дена во финишот од натпреварот од 26. коло на Евролигата против АСВЕЛ. Репрезентативецот на Зеленортските Острови беше подложен на дополнителни прегледи, по што беше утврдено дека се работи за полесна повреда, но уште не е познато кога еден од најдобрите играчи на Евролигата би можел да се врати на теренот.

Македонскиот репрезентативен плејмејкер, Ненад Димитријевиќ, со успех настапува во рускиот тим Уникс Казан. За жал, поради проблемите на руските клубови, Димитријевиќ нема можност да се натпреварува во Евролигата, меѓутоа и натаму е дел од силна лига во ова подрачје на Европа. 

Во еден од највозбудливите натпревари во ноќта во НБА лигата, Денвер го доби Торонто пред своите навивачи со 118-113 за четврти врзан триумф. На Никола Јокиќ му недостигаше една асистенција за нов „трипл-дабл“. Српскиот центар постигна 17 поени, заедно со 13 скока и девет асистенции. Овој пат не беше најефикасен кај Нагетси, но Џамал ​​Мареј блесна со 24 поени, Мајкл Портер Јуниор додаде 20, додека Арон Гордон запиша 19 поени. Канадскиот тим најголемиот дел од натпреварот го мина во водство, а на две минути до крајот имаше предност од 111-105. Денвер, сепак, направи серија од 7-0 за нешто повеќе од една минута и до крајот ја потврди деветтата последователна победа на домашен терен.

Раководството на Евролигата се наоѓа пред еден многу важен момент за иднината и развојот на европската елитна кошарка. „Мундо Депортиво“ јавува дека конзорциум од Дубаи понудил неверојатни 150 милиони евра финасиска „инекција“, сума која би се распределила во следните шест сезони. 

ТФТ Mozzart со поразот од Горица (83-64) ги загуби шансите за пласман во плеј-офот во АБА-2 лигата, а до крајот има уште два меча, за кои тренерот Боро Смилковски најави дека ќе се одиграат чесно, а потоа тимот ќе се насочи кон домашните предизвици.

Ланскиот Куп-освојувач на Македонија, екипата на ТФТ Mozzart, доживеа нов пораз во АБА-2 лигата. Подобри од тафталиџани беа кошаркарите на Горица кои на отворањето на последниот период дојдоа до триумф (83-64).

Македонскиот репрезентативец Стојан Ѓуроски имаше солиден натпревар во шпанскиот шампионат, но не се радува на победа.

Ова коло во Втората кошаркарска лига кое може да се окарактеризира како изненадувачко, посебно ако се земе в предвид дека лидерот на табелата екипата на Вардар, ја прекина победносната серија која и ги оостави на првото место на табелата. Падна и еден од нивните конкуренти за најдобрата стартна позиција, екипата на Соколи 1933.

Екипата на Феникс Санс направи подвиг и успеа да слави во мечот на гостувањето кај Далас Маверикс (126-130) во Тексас и така ја забележа третата победа во серија во НБА-лигата.