Кошарка

Во финалето на Европското првенство во кошарка за жени ќе се сретнат Шпанија и Франција. Во дуелот на последните два европски прваци, „црвената фурија“ ја совлада домашната Србија среде Белград со 71-66. Во текот на сите 40 минути Шпанките доминираа и го одбија секој српски обид да се приклучат во натпреварот.

Репрезентацијата на Македонија денес го одигра вториот меч на Европското првенство за кошаркарки до 18 години во Скопје. По вчерашниот пораз од Романија, денес нашите репрезентативки потклекнаа и против Ирска. Почетокот на мечот најавуваше убава вечер за нашата селекција, но очајната реализација во вториот дел ги расипа сите планови за прослава. Противникот не „згази“ во вториот дел и ни даде до знаење дека на големи натпреварувања не се победува со едно добро одиграно полувреме.

Кошаркарската репрезентација на Франција е првиот финалист на Евробаскетот во женска конкуренција, кој заеднички го организираат Србија и Летонија. Во белградското полуфинале полно со грешки, физички подобрата селекција на Франција излезе како победник, славејќи со 63-56.

По неколкунеделната потрага по нов клуб, еден од најдобрите европски кошаркари, Нандо Де Коло ја пронајде својата нова средина. Искусниот француски репрезентативец пред повеќе од десет дена објави дека ги напушта редовите на ЦСКА Москва и е подготвен за нов предизвик, а тој е дресот на турскиот гигант Фенербахче. 

Еден од најкултните српски кошаркари во последните десетина години, Милош Теодосиќ доби трета и досега најповолна понуда за продолжување на кариерата. Плејмејкерот може да го засили трофејниот израелски Макаби Тел Авив, откако „Гордоста на Израел“ му понуди три милиони евра за двегодишен договор.

Поранешниот селектор на македонската репрезентација, Александар Ѓикиќ првпат ќе работи во шпанската Ендеса лига. Еден од најкултните клубови во шпанскиот шампионат се договори да ги води „студентите“ во следната сезона.

Најдолгата сага ова лето поврзана со иднината на Каваи Ленард конечно заврши. МВП на изминатото НБА финале одлучи да се пресели во Лос Анџелес Клиперс.

Европското кошаркарско првенство во Скопје започна со пораз за нашите јуниорки. Женската репрезентација на Македонија до 18 години не го искористи домашниот терен и групната фаза ја стартуваше со убедлив пораз.

Французинот Нандо Де Коло е многу блиску до соработка со Фенербахче, пишуваат турските медиуми.