Кошарка

Кошаркарскиот клуб Работнички денес одбележува значаен јубилеј – 80 години од одигрувањето на својот прв официјален натпревар. На 2 август 1946 година, на големиот православен празник Свети Илија и државниот празник Илинден, започнало првото кошаркарско првенство на Македонија, организирано во рамките на Вториот фискултурен слет. На турнирот настапиле екипите на Македонија, Работнички и Ванчо Прке од Штип.

Македонската машка репрезентација до 18 години го заврши настапот на Европското првенство од Дивизијата „Б“ со пораз од селекцијата на Велика Британија. Во натпреварот за конечен пласман, британските кошаркари славеа со 83-73, со што Македонија го освои 14. место во конечниот поредок.

Финансиските проблеми продолжуваат да го тресат кошаркарскиот клуб Монако. Откако остана без место во Евролигата и се раздели со најголемите ѕвезди, францускиот клуб доби уште еден тежок удар.

Легендата на шпанската кошарка Хуан Карлос Наваро останува дел од Барселона, но повеќе нема да ја извршува функцијата генерален менаџер на кошаркарската секција. Каталонскиот клуб официјално потврди дека Наваро ќе добие нова улога и во иднина ќе биде амбасадор на Барселона, како и ментор на младинските категории.

Машката јуниорска репрезентација на Македонија ќе игра за 13. место на Европското првенство од Дивизијата „Б“, откако во разигрувањето славеше против Исланд (86-74).

Кошаркарскиот клуб Работнички потврди дека Лука Петровски го продолжи договорот и ќе ги брани боите на најтрофејниот и во претстојната сезона.

Американскиот кошаркар Шејк Милтон и официјално е нов играч на Хапоел Ерусалим. Поранешниот бек на Партизан потпиша едногодишен договор со израелскиот клуб, вреден еден милион долари. Милтон ќе соработува со српскиот стратег Саша Обрадовиќ, кој го презеде Хапоел Ерусалим. Интересно е што минатата сезона тие беа лути ривали во Белград.

Кошаркарската федерација на Македонија со особено задоволство ја поздравува официјалната одлука на КК Арис од Солун, со која клубот потврдува дека нема никакви пречки Ненад Димитријевиќ да биде на располагање на македонската репрезентација од 16 август 2026 година и му посакува успех на нашиот национален тим.

КК Маџари го реши тренерското прашање за сезоната 2026/27. Нов предводник на екипата ќе биде искусниот македонски стратег Марјан Илиевски, кој во минатото ја извршуваше и функцијата селектор на сениорската репрезентација на Македонија.