Кошарка

Репрезентацијата на Канада оствари тесна, но многу важна победа над Шпанија (88-85) во последното коло од групата А, со што го потврди првото место и обезбеди пласман во четвртфиналето. Пораз за Шпанија значи елиминација од олимпискиот турнир, втора по ред во групната фаза на едно големо натпреварување, откако и на Мундобаскетот минатата година беа елиминирани по пораз од Канаѓаните. 

Кошаркарската репрезентација на Грција на Летните Олимписки Игри (ЛОИ) влезе со желба за освојување на еден од медалите, но доживеа вистински дебакл. „Хелените“ ја победија Австралија за крај на групната фаза (77-71), но за да одат понатаму ќе чекаат услуги од други.

Кошаркарите на Бразил славеа во клучниот меч од групата Б против Јапонија со 84-102 и останаа во игра за пласман во четвртфиналето.

Женската репрезентација на Франција без никакви проблеми славеше победа над Нигерија со 75-54 во натпреварот од групата Б на Олимписките игри во Париз. 

Олимпискиот комитет на Соединетите Американски Држави од 1992 година наваму има посебен однос кон кошаркарската репрезентација која ги претставува на Олимписките игри. 

Женската селекција на Германија ја совлада Јапонија во второто коло од групата Ц на Олимписките игри (75-64), со што си го обезбеди пласманот во елимнациската фаза. 

Кошаркарската репрезентација на Македонија до 18 години со перфектен скор ја заврши групната фаза на Европското првенство (ЕП) Б-дивизија кое се игра во Скопје, откако славеше во петтиот дуел со Украина (83-72) и е лидер пред Ирска, Чешка, Украина, БиХ и Кипар.

Кошаркарската селекција на Србија го следи чекорот на Шпанија и со втората победа во групата обезбеди пласман во четвртфиналето во женскиот кошаркарски турнир во Париз. Овој пат пред разиграните кошаркарки на Марина Маљковиќ падна Кина, која беше совлада со убедливи 59-81. Која селекција од која позиција ќе патува меѓу осумте најдобри од оваа група, ќе се знае по завршувањето на третото коло, во кое Србија ќе се сретне токму со Шпанија.

Женската кошаркарска репрезентација на Шпанија извојува уште една тешка победа на олимпискиот турнир, откако со еден поен разлика (62-63) ја совлада селекцијата на Порторико, во рамките од второто коло од групата А. Со овој успех „фуријата“ веќе го обезбеди своето учество во четвртфиналето.