• Зоран Мишевски
Иако во минатото често знаеле да направат и поголем подвиг, кошаркарите на МЗТ Скопје се пред тешка мисија во Србија. Утревечер гостуваат во Суботица против Спартак и мора да надополнат пет поени, ако сакаат финале на разигрувањето.
Ејасу Ворку пред дуелот во Суботица е умерен оптимист.
„Ситуацијата во која се најдовме не е лесна, но не е ни безизлезна. Повторно зависиме од нас самите и од начинот на кој ќе одиграме. Ќе мора малку повеќе да веруваме со сопствените можности и да бидеме поагресивни. Ако го сториме тоа ќе имаме можност ако ништо друго до крајот на средбата да бидеме во можност да ја надополниме негативата од Скопје“, рече Ворку.
МЗТ Скопје игра во промнлива форма, па помеѓу двата натпревари од плеј-офот на АБА2 лигата запиша тешка победа против ТФТ Mozzart во првиот натпревар од полуфиналната серија на плеј-офот во Првата лига.
