• Сашо Поповски
Ендрју Вигинс го загрижи Стив Кер и се пожали на проблеми со десниот скочен зглоб, што го прави неизвесен за третиот меч против Далас Маверикс.
Голден Стејт Вориорс изгради солидна предност на домашен терен. Тимот од Сан Франциско славеше на двата натпревари и си отвори пат кон ново НБА финале.
Серијата се сели во Тексас, а за првиот натпревар на гости можеби нема да настапи Вигинс. Еден од играчите кои се директно задолжени за одбрана против Лука Дончиќ има мали проблеми, па не се знае дали ќе игра или не.
27-годишникот запиша просек од 17,5 поени, пет скока и четири асистенции на воведните два дуели во конференциското финале.
