• Иван Димовски
Искусниот плејмејкер Реџи Џексон замина од редовите на Денвер Нагетс и се пресели во Шарлот Хорнетс.
Сепак, веднаш стана јасно дека нема да се задржи во таа средина, а сега тој е ветеранско засилување за Филаделфија 76ерс. Џексон ќе добие „отказ“ во Шарлот, па потоа како слободен агент ќе стави потпис на договор со Филаделфија, а тоа е зделка која ќе им одговара на сите три страни.
Претходните две сезони Реџи Џексон ги мина во Денвер Нагетс. Во минатата одигра 82 натпревари со половична минутажа и имаше просек од 10,2 поени по меч.
Претходно во кариерата Џексон беше дел од Оклахома, Лос Анџелес Клиперс и Детроит.
