• Горан Упале
Кошаркарите на Вардар забележаа многу важна победа во битката за опстанок во Првата кошаркарска лига на Македонија, откако на гостувањето кај Охрид славеа со сигурни 72-80 и со тоа се израмнија на табелата со вечерашниот ривал.
- Комплетниот натпревар меѓу Охрид и Вардар:
Првиот квартал заврши со 26-20 за домаќините, а во следниот Вардар успеа само минимално да намали, додека по полувремето „црвено-црните“ влегоа во посакуваниот ритам со 12-25 направија пресврт и го ставија домаќинот во неповолна ситуацијата. Во последните десет минути Охрид не успеа да возврати на серијата на противникот и заслужено го запиша третиот пораз во плеј-инот.
- Комплетниот натпревар меѓу Навико ФМП Академија и Кожув:
Нов пораз забележа и тимот на Навико ФМП Академија, кој пред својата публика беше немоќен против Кожув. Гевгеличани и на овој натпревар покажаа дека поседуваат најголем квалитет во плеј-инот и на крај извојуваа сигурна победа од 85-90.
Кожув е лидер на табелата во битката за опстанок, со три победи повеќе од останатите три екипи.
