• Иван Димовски
Вториот пик на НБА драфтот во 2020 година, Џејмс Вајсмен се повреди уште на првиот меч во новата сезона.
23-годишникот го имаше официјалното НБА деби за Индијана Пејсерс во дуелот со Детроит Пистонс и веднаш се повреди. По еден шут за три поени Вајсмен само зачудено погледна кон својата нога, а на прв момент не делуваше дека се работи за страшна повреда.
James Wiseman suffered a non-contact injury
Hope he is ok.
— Hoop Central (@TheHoopCentral) October 23, 2024
По деталните прегледи се потврди најголемиот страв, Џејмс Вајсмен ја скина „Ахиловата тетива“ и тоа значи дека за него сезоната е готова на самиот старт. Досега во кариерата младото момче имаше повреди на колената и зглобовите, меѓутоа ова е далеку посериозна и сериозно ќе го запре неговиот развој во лигата.
Во 2020 година Вајсмен беше избран од Голден Стејт на драфтот, во франшизата се задржа до минатата сезона и тогаш беше трејдуван во Детроит. Со Индијана младиот ас потпиша двегодишен договор, а првата ќе ја мине надвор од терените.
