• Саше Љолес
Поранешниот НБА кошаркар Дејмон Џонс се изјасни како невин по обвиненијата дека бил вмешан во нелегално обложување и дека откривал доверливи информации за повреди на играчи на спортските обложувалници.
Обвинителството тврди дека Џонс давал информации за повреди на ѕвезди како Леброн Џејмс и Ентони Дејвис, а истрагата опфаќа и наводни наместени покер партии, скриени камери и специјални очила за измама, во кои наводно Џонс бил вмешан.
Тој беше пуштен со кауција од 200.000 американски долари, со ограничување да не патува надвор од Тексас и Њујорк до почетокот на судењето, кое е закажано за 24 ноември.
Дејмон Џонс одигра 11 сезони во НБА (1999–2009) и настапуваше за тимови како Кливленд Кавалирс, Мајами Хит и Милвоки Бакс. Овој случај е дел од пошироката истрага во која се уапсени повеќе од 30 лица за нелегално обложување.
