• Иван Димовски
Кошаркарската репрезентација на Турција го одреди ростерот на играчи за квалификациските дуели на патот кон Светското првенство во 2023 година.
На списокот на селекторот Ергин Атаман се најде и кошаркарот на МЗТ Скопје, Самет Јигитоглу. 18-годишното момче кое настапува на центарските позиции првпат ќе добие шанса во сениорскиот состав на Турција, откако досега играше за јуниорските тимови.
Јигитоглу е еден од 16-те кошаркари на списокот за дуелот со Белгија кој ќе се одигра на 11 ноември во „Синан Ердем Дом“ во Истанбул. Ова е уште еден мотив повеќе за младиот кошаркар на почетокот на сенироската кариера.
Сезонава Јигитоглу се здоби со првотимски статус во МЗТ Скопје, дури и успеа да го преземе местото во стартната петорка од Еван Максвел.
