Турција

Кошаркарите на Хрватска се радуваа на победа од 62-79 против Турција во Истанбул во рамките на третото квалификациско коло пред Евробаскетот. „Коцкестите“ се лидер на табелата и само чудо може да ги спречи да не играат на нов континентален собир, а вечерва целосно ја надиграа Турција во Истанбул. 

Репрезентацијата на Холандија ја изненади Турција и на гости славеше со 65-72, во првото коло од клваификациите за Евробаскетот идната година. Поранешниот играч на МЗТ Скопје, Шарлон Клоф се истакна и ја предводеше својата селекција до триумфот. 

Како и што се очекуваше, Шејн Ларкин е нов репрезентативец на Турција. Феноменалниот американски кошаркар и член на Анадолу Ефес го потврди тоа на социјалните мрежи.

Репрезентацијата на Турција одигра најдобро во последните десет минути и успеа да стигне до пресврт победа против Црна Гора (79-74). Долго време, Црногорците го контролираа резултатот и беа во поволна позиција за триумф, но на крај дозволија еден лош период да им го уништи попладнето.

Големиот фаворит на Светското првенство во Кина, репрезентацијата на САД, со големи проблеми запиша втора победа во групната фаза. Турција го намачи „дрим-тимот“ на Грег Попович (93-92) и беше блиску до изненадување, но во завршницата остана без сили за голем резултат.

Светското првенство во Кина ќе донесе борба на најдобрите светски селекции за престижната титула. Истата пред пет години, на турнирот во Шпанија, ја освои репрезентацијата на САД, која важи за голем фаворит и оваа година.

Репрезентацијата на Србија победи против Турција (87-72), но сенка на триумфот беше повредата на Драган Милосављевиќ. 30-годишникот незгодно скокна на ногата, веднаш направи гримаса и го заврши својот настап. 

Кошаркарскиот сојуз на Турција се откажа од организацијата на Мундобаскетот во 2023 година, а целиот буџет кој беше предвиден за таа кампања ќе биде пренасочен за развој на младите категории.

Во седмото осминафинале на Евробаскетот, чија завршница се игра во Истанбул, европскиот шампион Шпанија ја совлада домашната Турција со 73-56 и обезбеди четвртфинале против Германија. Во тврд и лош натпревар за гледање, Шпанија не со своето најдобро издание, но сепак успеа да ја победи збркната домашна селекција.