Лос Анџелес Лејкерс

Шампионот на НБА лигата, Лос Анџелес Лејкерс дома загуби од Сакраменто Кингс со 106-110. Уште од самиот старт гостите во „Стејплс Центар“ беа подобри, водеа и го контролираа резултатот. Лејкерси се вратија и поведоа, но во завршницата попушти концентрацијата и Кингси победија. Халубуртон го предводеше Сакраменто со 23 поени и десет асистенции, а Ентони Дејвис оствари „дабл-дабл“ во Лејкерс со 22 поени и 11 скокови.

Еден од најдобрите кошаркари на сите времиња, Леброн Џејмс, ја надмина повредата и повторно се враќа на кошаркарските терени за да му помогне на шампионот Лос Анџелес Лејкерс.

Далас Маверикс ја запиша и втората победа во низа против Лос Анџелес Лејкерс, овојпат од 108-93. Гостувањето на екипата од Калифорнија во Тексас заврши со два порази и покрај враќањето на Ентони Дејвис во тимот. По скромниот перформанс во првиот меч, ноќва Дејвис собра 17 поени за 28 минути на теренот, што беше недоволно за триумф на Лејкерси и покрај тоа што Финли-Смит запиша 21, а Меклемор 20 поени. Кај Далас се истакна Пауел со 25 поени и девет скока, додека Лука Дончиќ уфрли 18 поени и запиша 13 асистенции, со осум скокови. „Дабл-дабл“ запиша и Денис Шродер од Лејкерс со 16 поени и 10 скокови. 

Лос Анџелес Лејкерс ги заборавија Никси и победија против Шарлот со 93-101. Шампионот на НБА лигата сè уште е без Леброн Џејмс и Ентони Дејвис, па продолжи со променливите партии. Сепак, Кајл Кузма се истакна и го поведе тимот до славје против Хорнетси. Иако домаќинот во „Спектрум Центар“ беше рамноправен, а и долго водеше не успеа да издржи и падна во вториот дел. Кузма беше најпрецизен со 24 поени, пред Грахам и Шродер со по 19, додека исклучително корисен беше Мартин со 17 поени и 10 скокови. 

Шампионот Лос Анџелес Лејкерс има мали проблеми со резултатите, откако се повредија Леброн Џејмс и Ентони Дејвис.

Големото ривалство меѓу Леброн Џејмс и Стеф Кари би можело да заврши, ако одличниот шутер одлучи да се пресели во Лос Анџелес Лејкерс.

Екипата на Лос Анџелес Лејкерс ја запиша втората победа по ред во НБА лигата, откако ноќва во скратената програма на најсилното кошаркарско натпреварување со минимални 96-93 славеше над Орландо.

Кошаркарите на Филаделфија 76ерс победија на гостувањето во „Стејплс Центар“ против Лос Анџелес Лејкерси (101-109). Без Леброн Џејмс и Ентони Дејвис, шампионот на НБА лигата беше немоќен и издржа само едно полувреме, пред да загуби чекор и да загуби. Неизвесноста во Калифорнија беше присутна до паузата, пред Филаделфија да се одлепи и да замине на двоцифрена позитива, а до крајот, иако стигнаа на -3, Лејкерси не успеаја да се вратат во целост. 

Шампионот Лос Анџелес Лејкерс загуби на домашен терен во дуелот со Атланта Хокс (94-99).