Работнички

Екипата на Еуро Никел е првиот финалист во овосезонскиот плеј-оф за шампионскиот трофеј во македонскиот кошаркарски шампионат. Кавадаречкиот тим го потврди брејкот од пред два дена во Скопје и со нова одлична партија, по продолжението го елиминира најтрофејниот кошаркарски колектив во нашата држава, Работнички (88-87, 74-74). 

Екипата на Еуро Никел продолжува со добрите партии оваа сезона. Кавадарчани кои важат за изненадување на годината славеа на гости кај Работнички (66-68) и направија крупен чекор напред кон финалниот натпревар на домашната сцена. Во првиот меч од серијата кој прв до две победи, кавадарчани со добри десет минути го изненадија најтрофејниот македонски кошаркарски колектив, па гледаат кон прво финале по 2012 година кога загубија од МЗТ. Третиот квартал беше кобен за Работнички и Мираковски сигурно ќе има што да им каже на своите кошаркари по оваа средба, ако се земе предвид дека може да останат со празни раце оваа сезона. Следниот натпревар од серијата кој може да го даде финалистот се игра во петок во Кавадарци.

Најмладиот кошаркарски прволигаш ТФТ го заврши сонот во македонската елита. Со вториот пораз од Работнички (80-86) во втората средба во четвртфиналето, тафталиџани застанаа на првата пречка на нокаут-фазата.

Најтрофејниот кошаркарски колектив во нашата држава, Работнички, со успех го отвори овосезонскиот плеј-оф во Првата лига, откако на свој терен со сигурни 72-65 славеше над изненадувањето на сезоната, екипата на ТФТ Скопје.

МЗТ Скопје потврди дека го има најдобриот ростер на домашната сцена и славеше во „вечното дерби“ со Работнички (77-69) во рамки на финалето од Купот на Македонија, па ја врати оваа титула во своите витрини. Дуелот на двата скопски тима беше на страната на „штрковите“, иако Работнички во неколку наврати се враќаше во натпреварот, ама правеше големи грешки и на противникот му даваше пак да ја врати високата разлика. За МЗТ Скопје ова е јубилеен десетти трофеј во Купот, или прв по 2018 година кога во финалето во Гевгелија славеше токму над истиот ривал.

Работнички дојде до финалето на завршницата во Купот на Македонија, но во мечот за титула не успеа да слави над вечниот ривал МЗТ Скопје. Тренерот на центарци, Димитар Мираковски, по натпреварот кажа дека евидентен бил заморот од напорниот ритам и трите меча во три дена.

Дамјан Стојановски беше лидер на МЗТ Скопје во победата над Работнички во финалето од Купот и по средбата во СРЦ „Кале“ беше прогласен за најкорисен играч на завршницата на турнирот.

Легендата на македонската кошарка Благоја Георгиевски - Буштур повеќе од една година не е меѓу нас. За да не се заборави неговото значење и придонес се погрижи кошаркарската федерација, која одлучи Купот на Македонија во иднина да го носи неговото име.

Кошаркарите на Еуро Никел одиграа нов респектабилен натпревар, но во финишот попуштија и загубија од фаворитот Работнички (85-79). Кавадарчани се надигруваа, водеа и парираа во текот на целиот натпревар, ама во завршницата имаа проблеми со лични грешки и Работнички тоа го искористи. Со добра игра во финишот, „црвено-белите“ закажаа дерби во финалето против МЗТ Скопје, за нов трофеј во Купот на Македонија.