Еуро Никел 2005

Викендов продолжуваат возбудувањата од плеј-офот во Првата кошаркарска лига, на програмата се три натпревари од четвртфиналните серии. МЗТ Скопје, екипата која го брани шампионскиот трофеј е првата, и единствена која во само два натпревари се стекна со статусот на полуфиналист во плеј-офот. За останатите три места, следуваат решавачките натпревари.

Денес и утре ќе се одиграат и вторите натпреварите од четвртфиналната серија на плеј-офот во мак-кошарката. Со себе носат уште четири неизвесности, а се чини дека сепак, за нијанса поголема треба да биде онаа што ја носи мечот во кавадаречки „Јасмин“. Екипата на Еуро Никел 2005 го дочекува ТФТ Mozzart во обид пред својата публика да го искористи моментот односно предноста која им ја донесе победата на гостувањето во СРЦ „Кале“.

Екипите наредени од првата до осмата позиција, овој викенд ја стартуваат четвртфиналната серија која треба да ги даде четирите полуфиналисти. Утре попладне во СРЦ „Кале“ екипата на ТФТ Mozzart за противник ќе го има составот од Кавадарци, Еуро Никел 2005. „Црно-белите“ имаат предност на домашен терен, заради која може да се надеваат на полуфинале. 

Кошаркарите на Еуро Никел 2005 од Кавадарци ја оправдаа фаворитската улога и среде Скопје го декласираа Навико ФМП Академија со 76-87, во дуелот од последното 22. коло од регуларниот дел на сезоната. Со овие бодови кавадарчани во разигрувањето ќе влезат од шестото место и во четвртфиналето ќе се сретнат со ТФТ Моцарт. 

Екипата на Еуро Никел 2005 на домашен терен загуби од најтрофејниот кошаркарски клуб Работнички (75-80) и направи чекор назад во борбата за подобра позиција пред плеј-офот во македонската Прва лига.

Македонскиот кошаркарски првак МЗТ Скопје продолжи да победува на домашната сцена и со триумф над Еуро Никел (61-81) убедливо ја држи позицијата број еден пред разигрувањето и плеј-офот кој доаѓа за титулата.

Втор ден и втор битолско-кавадаречки дуел во мак-спортот. По саботниот ракометен дуел меѓу Еурофарм Пелистер и Тиквеш, на кој славеше вицешампионот, вечерва силите во „Боро Чурлевски“ ги одмерија кошаркарите на Пелистер и Еуро Никел. На победата и овој пат се радуваа битолчани. Кошаркарите на Марјан Илиевски со половина сила го надиграа составот на Еуро Никел и експресно им се вратија на победите во Првата кошаркарска лига на Македонија, откако претходно беа шокирани на гостувањето кај Чаир. Најдобар кај битолчани беше Хаџифејзовиќ со 23 поени.

Екипата на Феникс 2010 забележа нов пораз во Првата кошаркарска лига на Македонија и од гостувањето кај Еуро Никел се враќа со убедлив пораз од 78-69, во рамки од последниот денешен натпревар од 17. коло во македонскиот шампионат. 

Екипата на Фени Индустри ја забележа правата победа во плеј-аутот и како домаќин со 87-58 славеше над фенерџијата Шкупи.