Велика Британија

Кошаркарската репрезентација на Грција победи во натпреварот од третото коло на Евробаскетот против селекцијата на Велика Британија со (77-93). Иако селекторот Димитрис Итудис му даде поштеда на најдобриот играч Јанис Антетокумбо, сепак Британците се спротивставија само во првиот дел, а потоа Грците рутински запишаа победа за „три од три“ и сигурно осминафинале. 

Кошаркарите на Украина со убедлива победа го отворија Евробаскетот, откако со 90-61 ја совладаа Велика Британија. Пресметката во „Медиоланум Форум“ им припадна во целост на Украинците кои полека, но сигурно ја градеа својата предност и дојдоа до првите бодови во групата Ц во која се натпреваруваат и Естонија, Италија, Хрватска и Грција. 

Одличниот летонски кошаркар, Даирис Бертанс, беше еден од најзаслужните за победата на Летонија против Велика Британија од 97-92, а воедно си обезбеди и место во историјата на Евробаскетот.

Малку од македонските кошаркари беа расположени за изјави по поразот од Велика Британија и елиминацијата од можноста да се пласираме на едно од првите две места во групата Г од квалификациите за Евробаскетот. 

Надежите за пласман на следниот Евробаскет паднаа во вода со неверојатно понижување на македонската кошаркарска репрезентација. Велика Британија им одржа вистинска лекција на нашите кошаркари како да се работи за елитна европска репрезентација, а не земја која нема професионална лига. Поразот од 62-89 е голема шлаканица за проектот на Драган Раца, кој веројатно по саботниот меч во Солнок ќе биде и минато за нашата кошаркарска репрезентација.

Македонската кошаркарска репрезентација оваа недела ги игра двете најзначајни средби во квалификациите за пласман на Евробаскетот во 2017 година. Вечерва од 19.00 часот на домашен терен во салата „Јасмин“ во Кавадарци нашите најдобри кошаркари имаат мисија да возвратат на должникот Велика Британија, а в сабота во Шолнок во последното шесто коло од 16.30 часот гостуваме кај Унгарија. 

Македонските фанови не престанаа да навиваат за нашите кошаркари и покрај негативата и крајниот пораз во Лондон. Нашата репрезентација загуби со 96-79, но шоуто во „Копер бокс“ арената го украде малата група на верни македонски навивачи. Домашните фанови беа импресионирани од песните и навивањето на македонската „фаланга“, па одделија дел од времето за да и посветат внимание.

Македонската кошаркарска репрезентација во овие моменти во Лондон го игра вториот дуел од квалификациите за ЕП против домашната селекција на Велика Британија, која на полувреме води со 50-43.

Македонската кошаркарска репрезентација квалификациите за ЕП ги отвори со домашна победа против Луксембург, со ритам на игра „топло-ладно“. Време за пауза нема, бидејќи следи вториот меч, прв на гостински терен против Велика Британија в сабота. Репрезентативец Стојан Ѓуроски пред заминувањето за Лондон размислува позитивно и верува дека можеме до победа против Велика Британија.