Берое

ТФТ со пораз ја отвори втората фаза од натпреварите во БИБЛ лигата, откако на домашен терен претрпе пораз од Берое од 83-87. Иако екипата од Тафталиџе подобро отвори и имаше предност, не успеа да ја задржи па гостите од Бугарија со цел плен си заминаа од Скопје. 

Кошаркарите на Куманово со триумф ја затворија првата фаза во БИБЛ лигата, откако попладнево го совладаа Берое со 93-80. Македонскиот тим долго во мечот беше во резултатска контрола, па не дозволи изненадување и го потврди второто место во групата. 

Екипите на ТФТ и Куманово останаа без обврски оваа седмица во БИБЛ лигата, откако поради големиот број заразени кошаркари во редовите на Берое, раководството на лигата донесе одлука да ги одложи натпреварите со македонските претставници. 

Кошаркарите на Блокотехна во својот последен натпревар од регуларниот дел на БИБЛ-лигата на домашен терен се поразени од лидерот Берое со 100-104. И покрај поразот нашиот претставник сигурно завршува на второто место, а со тоа и има директен пласман во полуфиналето на регионалното натпреварување.

Македонскиот претставник во БИБЛ-лигата, екипата на Блокотехна, не успеа да направи подвиг и на гостувањето во Стара Загора кај Берое загуби со 81-91.

Македонија за жал по Фени Индустри, не доби втор освојувач на БИБЛ лигата. Куманово немаше сила за подвиг, а дека црно му се пишува и вечерва, сигнал беше и темницата во салата поради немање струја, поради што мечот доцнеше 25 минути. Така составот од Бугарија славенички, со медали на градите и пехар во раците си замина од Куманово. Домашните кошаркари на крај мораа да се задоволат само со утешниот пехар за поразениот во финалето.

Куманово во реванш дуелот од финалето од БИБЛ лигата немаше сили барем за почесна победа, откако Берое со нова победа ја потврди титулата. Домашните кошаркари лабаво влегоа во мечот, за да доцна се разбудат во третата четвртина, но и покрај тоа немаа сила за победа. Сега погледите на „сино-белите“ се свртени кон завршницата на домашната лига, а шанса во Балканската лига ќе бараат во некоја од следните сезони.

Кумановскиот градоначалник Зоран Дамјановски Циц пред почетокот на реванш дуелот од финалето во БИБЛ помеѓу Куманово и Берое доби пригодна награда.

Куманово од гостувањето во Бугарија кај Берое во рамките на првата средба од финалето се врати со тежок пораз од 29 поени (84-55). Тренерот на нашиот состав Марјан Србиновски истакна дека една од причините за овој резултат е уморот кај играчите и краткиот ростер.