ТФТ

Македонскиот кошаркарски прволигаш ТФТ испрати апликација за настап во Европа, во сезоната која следи на програмата.

Екипата на ТФТ ја заврши кошаркарската сезона во полуфиналето, по вториот пораз од МЗТ Скопје во серијата. По натпреварот, главниот плејмејкер на тафталиџани Александар Костоски истакна дека тимот имал сезона за паметење и дека никогаш нема да го заборави овој тим кој направил голем подвиг.

МЗТ Скопје е првиот финалист во македонскиот кошаркарски шампионат откако славеше на гости кај ТФТ (82-92) и ја доби полуфиналната серија со 0-2. Аеродромци, кои се бранители на титулата, во финалето ќе играат со подобриот од мечот меѓу Пелистер и Еуро Никел кои ќе играат „мајсторка“.

Екипата на МЗТ Скопје Аеродром убедливо го одбрани домашниот терен против ТФТ (77-52) во рамки на полуфиналната серија и една победа ги дели „штрковите“ од пласман во големото финале. Актуелниот првак имаше целосна контрола во играта во малото скопско дерби против новиот ривал кој го доби во изминатата година. ТФТ успеа да го изненади МЗТ во финалето од Купот на Македонија, но во првиот дел од плеј-офот, играчите на Боро Смилковски ниеднаш не му се заканија на фаворитот. Полуфиналната серија сега се сели во СРЦ „Кале“, а мечот е закажан на 29 мај.

Кошаркарите на МЗТ Скопје го бранат тронот во Првата македонска кошаркарска лига. „Штрковите“ оваа сезона беа предизвикани од Пелистер кој долго беше лидер, меѓутоа во полуфиналето на плеј-офот налетаа на ТФТ Скопје. Токму четата на Смилковски ги скрати надежите за двојна круна, победувајќи ги во финалето на Купот на Македонија. 

Екипата на ТФТ Скопје, по освојувањето на Купот на Македонија, забележа голем успех и во шампионатот, откако со победата над Гостивар од 87-80 се пласира во полуфиналето во Првата кошаркарска лига, каде ќе се сретнe со шампионот МЗТ Скопје.

Екипата на ТФТ не успеа да го одбрани домашниот терен и загуби од Еуро Никел (73-75) кој беше во црна серија, со четири порази во низа, но успеа да дојде до полн плен во СРЦ „Кале“ во Скопје.

Гостивар продолжи да игра променливо и победи на домашен терен против ТФТ (92-85) во петтото коло од овогодишниот плеј-оф. Оваа победа има голем значај, бидејќи е издвојувана против директен конкурент. Гостиварчани се сега целосно во трката за третото и четвртото место, за кои претендираат уште и ТФТ и Еуро Никел 2005.

Битолски Пелистер му сервираше слатка одмазда на ТФТ Скопје за болниот пораз во Купот на Македонија и го совлада со 83-64. Во салата „Боро Чурлевски“ пред одлична атмосфера „зелено-белите“ немаа проблеми против освојувачот на националниот Куп и запишаа нова лесна победа во Суперлигата. Ова е втор триумф во три недели против тимот од Тафталиџе за „зелените“.