• Мартин Танасковски
Екипата на ТФТ Mozzart креира ростер за новата сезона и потпиша договор со Меки Лонг, Американец кој за првпат ќе игра во европската кошарка.
Се работи за 23-годишен играч кој доаѓа од тимот на Вирџинија Теч Хукис, каде во последната сезона настапи на 16 натпревари, но немаше голема минутажа. Лонг на паркетот во просек мина 5,1 минута по меч, а имаше 3,6 поени, 4,3 скока и 0,8 асистенции по дуел.
Пред да пристигне во Вирџинија, Меки Лонг три сезони играше за Олд Доминион Монархс каде имаше поголема улога, додека почетокот на кариерата му е во тимот на Роде Ајланд Ремс во НЦАА-лигата.
