• Иван Димовски
Кошаркарките на Италија тргнаа со победа на Европското првенство, откако го добија дуелот против Србија по огромна борба (61-70) во „Пала Доца“ во Болоња.
Еден од домаќините на турнирот направи разлика пред полувремето, а потоа се одржуваше во позитива. Србинките имаа свои моменти, меѓутоа немаа сили за кам-бек во завршницата и претрпеа стартен пораз. Прво име во победата на Италија беше Зандаласини која уфрли 20 поени, додека еден помалку имаше Ногиќ кај Србија.
Грција ја оправда апсолутната фаворитска улога и со убедливи 87-65 ја совлада селекцијата на Швајцарија. Иако аутсајдерките парираа во првата четвртина, во продолжението Грција одигра одлично и заслужено триумфира.
Најдобра поентерка на натпреварот беше Фасула во победничкиот табор со 21, додека кај Швајцарките се истакна Херминјард со 18 поени.
