Уникаха по стилот на игра, тимската зрелост и индивидуалниот квалитет минатата сезона беше како тим од Евролигата. Логична последица од ова беше големиот интерес за играчите на Уникаха. Тимот од Малага веќе ги загуби Дилан Осетковски и Тајсон Картер, кои ги засилија српските вечни ривали Партизан и Црвена Звезда а Валенсија им го „украде“ Камерун Тејлор.
Кошаркарската секција на Реал Мадрид ќе го промени тренерот и покрај освојувањето на шампионската титула во домашни рамки. Чус Матео веќе бил известен дека нема да му биде продолжен договорот и слободен е да ја избере својата следна дестинација. Овој тренер дојде како замена за Пако Ласо и со Реал Мадрид ги освои сите домашни и интернационални трофеи.
Управата на кошаркарскиот клуб Барселона, соопшти дека ја прекинува соработката со Американецот Џабари Паркер, кој ќе ја напушти Шпанија после две одиграни сезони.
Шпанскиот кошаркарски гигант, Реал Мадрид, ja освои 38. шампионска титула во домашното првенство, откако во финалната серија ја збриша Валенсија со „метла“ и конечни 3-0 во победи.
Кошаркарскиот клуб Ел Рио Бреоган официјално го најави потписот на американскиот бек Кеандре Кук. Кошаркарот во шпанската елита доаѓа од израелскиот клуб Ајрони Киријат.
Бразилскиот ветеран Марселињо Уертас е официјално прогласен за МВП на шпанската Ендеса лига. 42-годишниот кошаркар настапува за Тенерифе, а сезонава просечно бележеше по 14,3 поени, 7,2 асистенции и 2,2 скока.
Кошаркарот од редовите на Реал Мадрид, Валтер „Еди“ Таварес, официјално е избран за најдобар дефанзивец во шпанската Ендеса лига, со што го освојува ова признание петти пат во низа.
Американскиот кошаркар Кевин Пантер најверојатно останува во редовите на Барселона, која му понуди двегодишен договор со плата од околу два милиони евра.
