• Саше Љолес
Грчкиот Панатинаикос ја забележа втората победа во серија во Евролигата и славеше на гостувањето кај славниот Реал Мадрид со 77-87 во натпреварот од единаесеттото коло.
Избраниците на Ергин Атаман беа во водство во текот на целиот меч и сосема заслужено ги освоија бодовите на крајот. На паузата атињаните водеа со 52-38, а во второто полувреме само ја доработија задачата, без премногу да стравуваат за конечниот епилог.
Најдобар поединец кај „детелинките“ беше македонскиот репрезентативец Ти Џеј Шортс со 19 поени, четири скокови и шест асистенции, а во редовите на „кралевите“ блесна Еди Таварес со „дабл-дабл“ учинок од 20 поени и 10 скокови.
Панатинаикос сега има учинок од седум победи и четири порази, додека Реал Мадрид го впиша шетиот неуспех, но има и пет триумфи во елитното натпреварување.
Екипата на Париз Баскет ја совлада шпанската Валенсија со конечни 90-86, а Макаби славеше над Басконија со резултат 89-83.
