• Горан Упале
Легендарниот кошаркар Шекил О'Нил, коментирајќи ја суспензијата на Боби Портис од Милвоки поради прекршување на програмата за борба против дрогата, се присети на инцидент на кој наишол на Летните олимписки игри во 1996 година.
„Ни беше кажано да не јадеме ништо пред тестот и бевме принудени да чекаме во редица три до четири часа. Видов мафини од афион и ги изедов. Потоа еден член на тимот влезе во собата и ми рече: „Друже, разочаран сум“. Мојот тест беше позитивен на кокаин. Тогаш веднаш си помислив: „Чекај, чекај, чекај. Мајка ми ќе ме убие“. Никогаш не сум направил вакво нешто“, рече О’Нил.
Легендарниот центар беше шокиран, како и сите во репрезентацијата на САД.
„Потоа беше направено дополнително тестирање и беше откриено дека мафините од афион ги содржат истите деривати како кокаинот“, додаде тој.
Членот на Бакси е суспендиран на 25 натпревари поради, како што изјави неговиот менаџер, бизарен превид, поточно консумирање лек против болки со слично име на лек кој е дозволен за употреба.
