• Мартин Танасковски
Натпреварот меѓу Србија и САД предизвика голема бура кај северниот сосед поради неколку судиски одлуки за кои Србите тврдат дека им помогнале на Американците да дојдат до пресврт-победа и место во финалето на ЛОИ во Франција.
Еден од оние кои реагира јавно е и претседателот на државата Александар Вучиќ. Човекот кој ја води земјата објави видео на својот канал на мрежата „Х“ каде посочи дека Жоел Ембид прави чекори, ама арбитрите не го санкционираат тоа.
„Во која земја ова не се чекори? П.С: Следен пат однапред кажете ни дека не смееме да победиме“, напиша Вучиќ и го објави следното видео:
У којој земљи ово нису кораци?
П.С. Следећи пут нам унапред кажите кога не смемо да победимо. pic.twitter.com/7ssnZ34p6b
— Александар Вучић (@predsednikrs) August 9, 2024
Србија поради поразот од САД ќе игра за третото место на ЛОИ против Германија, додека Американците во големото финале се среќаваат со Франција.
