• Саше Љолес
Кошаркарите на Пелистер се подготвени за стартот на новата сезона во Суперлигата. „Зелено-белите“ во првиот натпревар ќе се сретнат со ТФТ Скопје на домашен терен.
Своите очекувања за мечот ги изнесе капитенот Иван Сапунџиев, кој смета дека тимот е максимално фокусиран на победа и најави голема борба на паркетот.
„Подготвителниот период заврши. Работевме напорно овие месец ипол и спремни сме за почетокот на сезоната. Одиме максимално фокусирани. Со борба и енергија на тимот се надевам дека добро ке ја отвориме сезоната - со победа на домашен терен овде во Битола“, рече Сапунџиев.
Натпреварот помеѓу Пелистер и ТФТ Скопје ќе се одигра на четврти октомври, а почетокот е закажан за во 19:00 часот.
