НБА

Кошаркарите на Сан Антонио приредија вистинска сензација во досегашниот тек од сезоната, откако во Лас Вегас ја совладаа моќната Оклахома и ја прекинаа нивната импресивна серија од 16 последователни победи. Ова беше само втор пораз за актуелниот НБА-шампион сезонава, но и триумф со огромна тежина за Спарс, кој им обезбеди пласман во финалето на НБА купот. Таму, тимот од Тексас ќе се бори за трофејот против Њујорк Никс.

Кошаркарите на Кливленд Кавалирс тешко стигнаа до победата на гостувањето кај Вашингтон Визардс (123-130) во НБА лигата. Херој на победата беше првата ѕвезда на тимот, Донован Мичел. Плејмејкерот на Кавалирси уфрли огромни 48 поени и буквално сам го водеше тимот низ тешките моменти. Во таборот на Вашингтон се истакнаа Керингтон и Меколум со по 27 поени. 

Кошаркарите на Денвер Нагетс одиграа уште една моќна партија во НБА лигата и го запишаа осумнаесеттиот триумф сезонава во елитното натпреварување. Нова „жртва“ на некогашниот шампион беше тимот на Сакраменто Кингс, кој во својот дом беше засрамен и поразен со убедливи 31 поен разлика (105-136).

Сан Антонио Спарс се пласира во полуфиналето на НБА Купот со победата од 132-119 над Лос Анџелес Лејкерс. Гостинскиот тим држеше убедливо водство од средината на втората четвртина и не им дозволи на Лејкерси да се вратат, и покрај фактот дека натпреварот повремено изгледаше како офанзивна размена без кочница.