• Саше Љолес
Минатогодишниот МВП на НБА лигата, Џоел Ембид, за американските медиуми даде изјава со ги израдува сите навивачи во државата и најави дека на претстојните Олимписки игри дефинитивно ќе биде дел од „дрим-тимот“.
Ембид имаше опција да игра за Камерун и Франција, но се одлучи да биде дел од американскиот тим и изјави дека е пресреќен што ќе настапи на Олимписките игри во Париз.
„Донесов одлука да играм за Соединетите Американски Држави и повеќе не ме интересира ниту една друга репрезентација. Овде има прекрасни момчиња кои се зрели за највисоки дострели. Ќе настапувам како натурализиран кошаркар и се надевам дека ќе придонесам за голем успех.
Имавме неколку опции во игра, но во Соединетите Американски Држави созреав како играч и во оваа земја добив многу повеќе отколку што можев да замислам. Сакам да им се оддолжам на навивачите и одиме во Париз по златниот медал“, изјави Ембид.
Американците очигледно ќе имаат можност да добијат екстра-засилување за кошаркарскиот турнир во Париз, каде сигурно бидат фаворити за златниот медал. Џоел Ембид е еден од најдобрите центри во светот и сигурно ќе биде одлично пополнување за американскиот ростер.
