• Мартин Танасковски
Рики Рубио одигра фантастично финале против Аргентина и беше еден од лидерите на Шпанија во освојувањето на Светското првенство (СП) кое се одржа во Кина.
По натпреварот тој беше прогласен и за МВП на првенството, а на прес-конференцијата даде емотивна порака. Триумфот и наградата ја посвети на неговата почината мајка, која во животот му била најголема поддршка.
„Ја загубив мојата мајка пред три години. Таа беше зад мене и секој ден ме туркаше напред за да бидам се подобар. Знам дека нема човек на светот што ме сакаше повеќе од неа. Таа е мој секојдневен мотив. Не е тука, но понекогаш се чувствувам како да е до мене“, изјави Рубио.
Ricky Rubio: "I lost my mom three years ago. She was behind me and pushing me every day to get the best out of me. I know there's nobody in this world who loved me more than her. She's still driving me every day. Even if she's not here, I feel it."#FIBAWC pic.twitter.com/dUVGaMsVQD
— Eurohoops.net (@Eurohoopsnet) September 15, 2019
Покрај што ја доби МВП-наградата, Рубио, кој во просек бележеше 15,9 поени по меч, се најде и во „ол-стар“ тимот на шампионатот.
