• Александар Ковачев
Во петтото коло од ТОП 16 фазата на Евролигата, кошаркарите на Реал Мадрид во реприза од минатогодишното финале го совладаа Олимпијакос со 84-72 (17-19, 24-16, 22-13, 21-24).
Во првата четвртина се играше изедначено, без видлива предност на една од двете екипи. На одмор гостите заминаа со 17-19. Во продолжението во 16. минута по тројката на Хакет за првпат Грците се одлепија на +4 (29-33). По тајм-аутот кој го повика Пабло Ласо, кошаркарите на Реал Мадрид се вратија како препородени и со серија 12-2 на одмор заминаа со +6 (41-35).
Во третата четвртина актуелниот европски шампион, продолжи во ист стил како што ја заврши втората. Благодарение на Чачо Родригез, кој беше незадржлив во тој дел со 9 поени, пред последните 10 минути домаќините имаа високи +15 (63-48). Во последниот период плејмејкерот Љуљ погоди две тројки во серија, за највисоки +19 (74-55). Во последните три минути домашните кошаркари се опуштија, па гостите намалија на подносливи и конечни 84-72. Најефикасен кај Реал Мадрид беше Љуљ со 18 поени, а Рејес, Серхио Родригез и Густаво Ајон постигнаа по 11. За гостите од Пиреја, Хантер и Хакет запишаа по 14 поени.
Во наредното коло Реал Мадрид ја пречекува Лаборал Куча, а Олимпијакос излез од лошата серија, ќе бара против Химки на домашен терен.
