• Иван Димовски
Кошаркарите на Работнички по пет порази во низа се радуваа во Суперлигата на Македонија. Скопскиот тим славеше на домашниот меч против екипата на Кожув со 99-92 во рамките на 15. коло.
Тимот од Градски Парк својот домашен натпревар од оваа рунда го одигра во салата на Феникс, а успеа да го испрати гостинот од Гевгелија дома со празни раце. Стартот на средбата беше израмнет, но потоа Работнички влезе во ритам и диктираше темпо. Во втората четвртина домашните поведоа со дотогаш највисоки „плус 12“, а потоа гевгеличани со добра серија се вратија во мечот и на пауза се замина со 52-48.
Работнички го издржа налетот, иако ривалот пријде и на поен негатива. Успеа скопскиот тим пак да изгради водство и стигна пак на двоцифрени 72-62. Во решавачката четвртина Кожув пак се обиде да се врати, ама најблизу стигна на пет поени негатива.
- Комплетниот натпревар меѓу Работнички и Кожуф:
Роберт Рикиќ одигра моќна партија во два правци, уфрли 34 поени и фати 14 скока, додека кај Кожув се истакна Бојчев со 21.
