• Мартин Танасковски
Кошаркарската ВТБ Лига нема да го дочека својот крај, затоа што доживеа предвремен прекин поради коронавирусот кој владее во Европа. Натпреварувањето донесе одлука иста каква што претходно донесоа и во Литванија, Израел, БиХ, Словенија, Белгија, Швајцарија, Украина, Шведска и Норвешка.
Одлуката е донесена по видео-конференција која ја одржаа претставници на клубовите. Како што изгледа, ВТБ Лигата оваа сезона нема да има шампион. Истовремено, сите странци се ослободени од клубовите.
Во ВТБ Лигата работи еден македонски тренер - Емил Рајковиќ, кој ја води казахстанска Астана.
