• Саше Љолес
Американските власти ја истражуваат смртта на НБА кошаркарот Брендон Кларк, а според првичните информации постои сомнеж за можно предозирање со наркотични средства.
Кошаркарот на Мемфис Гризлис бил пронајден без знаци на живот во дом во Сан Фернандо Вали во Калифорнија, а на местото на настанот наводно биле пронајдени предмети поврзани со употреба на дрога. Официјалната причина за смртта сè уште не е потврдена и се чекаат резултатите од обдукцијата.
Кларк имаше 29 години и одигра седум сезони во НБА лигата во дресот на Мемфис. Во последните години често се соочуваше со повреди, а неодамна беше и уапсен во Арканзас поради поседување контролирани супстанци.
Од Мемфис Гризлис изразија длабоко жалење за смртта на својот кошаркар, истакнувајќи дека Кларк бил одличен соиграч и голем човек надвор од теренот.
