• Горан Упале
Американскиот кошаркар Дик Барнет, поранешна НБА ѕвезда и член на „Куќата на славните“, почина на 88-годишна возраст. Њујорк Никс ја потврди трагичната вест.
„За време на неговата славна кариера, Дик Барнет отелотвори сè што значи да се биде Њујорк Никс. На теренот и надвор од него, тој беше пример за вистински спортист, оставајќи длабок белег во историјата на нашиот клуб. Неговиот дрес засекогаш ќе виси над нашите глави, а неговите игри ќе бидат запаметени од генерации навивачи“, се вели во соопштението на Никс.
Барнет беше клучен играч во шампионските сезони на Никс во 1970 и 1973 година. Тој пристигна во НБА лигата како петти избор на драфтот во 1959 година, а во текот на својата кариера играше и за Сиракјуз Нешналс и Лос Анџелес Лејкерс, пред да се приклучи на Никси во 1965 година. Помина девет сезони во Њујорк и имаше просек од 15,6 поени по натпревар.
Тој беше примен во „Куќата на славните“ и како поединец и како дел од шампионскиот тим од Тенеси. Барнет е деветти на листата на најдобри стрелци на Њујорк на сите времиња.
