• Иван Димовски
Членот на „Ќуќата на славните“ во НБА лигата, Џери Вест почина на 86 годишна возраст, потврдија Лос Анџелес Клиперси.
Вест е НБА легенда, беше шампион во 1972 со екипата на Минеаполис Лејкерс (сега Лос Анџелес Лејкерс), дванаесет пати беше дел од Ол-стар тимот, МВП на финалната серија и пет пати беше во дефанзивниот тим на годината. Како оперативец неговите франшизи дури осум пати беа шампион.
Исто така, Џери Вест е човекот кој во САД го нарекуваа „The Logo“ бидејќи беше инспирација на логото на НБА лигата. Формата на белиот човек на логото е всушност пресликан Вест од времето кога блескаше во Лејкерси.
Неговата играчка кариера ја мина само во таборот на тогашните Минеаполис Лејкерс (1960-74), а потоа мина три години како тренер по ребрендирањето и преселбата на франшизата во Лос Анџелес.
