• Мартин Танасковски
Екипата на Пелистер продолжува да го гради тимот за новата сезона со ангажман на уште еден перспективен македонски кошаркар. Нов член на битолскиот клуб е 24-годишниот Лука Савичевиќ, кој го прифати предизвикот да стане дел од проектот на „зелено-белите“.
Савичевиќ во Битола пристигнува од Феникс 2010, а претходно настапуваше и за Шпанската кошаркарска академија (СБА). Дел од својата кариера мина и во Соединетите Американски Држави, каде што играше во НЦАА-лигата за тимовите на Источен Мичиген и Лафајет колец, стекнувајќи значајно искуство во универзитетската кошарка.
Младиот кошаркар потекнува од македонската кошаркарска школа и во минатото го носеше дресот на МЗТ Скопје. Воедно, тој е стандарден член на младинските репрезентации на Македонија, каде што беше еден од носителите на играта во својата генерација.
