• Мартин Танасковски
Македонскиот кошаркарски прволигаш Пелистер не успеа да ја мине првата пречка во Лигата на шампионите. Битолчани испаднааа од италијанска Реџана во квалификациите (99-87) и се селат ранг подолу.
- Комплетниот натпревар меѓу Пелистер и Реџана:
Дуелот меѓу двата тима се одигра во Самоков, Бугарија, а од почетокот до крајот беше во знакот на фаворитот на хартија. Со први две одлични четвртини, Реџана си создаде висока позитива од 58-42, која константно ја одржуваше.
Најдобар стрелец кај Реџана беше Кван Читам Јуниор со 22 поени, пред Џејлин Барфорд со 19 поени, додека кај Пелистер, Кевин Брејси-Дејвис даде 20 поени, а Си-Џеј Вилсон постигна уште 19 поени. Од македонските кошаркари прв стрелец беше Андреј Митревски со 11 поени.
Тимот од претходно ја доби групата во Европа Купот на ФИБА и ќе биде дел од групата Д, каде сигурни ривали се Керавнос од Кипар и Цедевита Јуниор од Хрватска, а уште еден ривал ќе биде познат по квалификациите за ЛШ, можен е Патриоти Левице од Словачка.
