• Саше Љолес
Трофејниот тренер Чави Пасквал откри дека психолошкиот и емотивниот притисок биле главната причина за неговото заминување од Барселона.
Шпанскиот стратег се врати на клупата на каталонскиот клуб во 2024 година, но по две сезони реши да се повлече. И покрај солидните резултати во Евролигата и домашното првенство, Барселона повторно не успеа да стигне до европската титула, што дополнително го зголемило притисокот врз тренерот и тимот.
„Не можев повеќе да го издржам психолошкиот и емотивниот притисок. Работата во Барселона носи огромни очекувања и во еден момент почувствував дека ми е потребна пауза“, изјави Пасквал.
Пасквал истакна дека секојдневниот интензитет, критиките и огромните очекувања од јавноста оставиле сериозни последици врз неговата психолошка состојба.
„Во ваков клуб секој пораз се доживува многу тешко. По одреден период почувствував дека е време за промена“, додаде шпанскиот тренер.
Пасквал важи за една од најголемите легенди на Барселона, со која во кариерата освои бројни домашни и европски трофеи.
