• Зоран Мишевски
Партизан се врати на тронот на кошаркарска Србија. По титулата во АБА лигата, црно-белите ја завршија годината со уште еден трофеј и стигнаа до титулата во Суперлигата на Србија. Откако го добија првиот дуел, кој се играше пред два дена во Белград, кошаркарите на Партиза беа подобар ривал од Спартак и во Суботица и со тоа го решија финалето во два натпревари.
Партизан вечерва извојува победа во Суботица со 79-93, доминирајќи во текот на сите четириесет минути.
На овој начин, Партизан е национален шампион по пауза од единаесет години. Последен пат црно-белите го остварија овој успех во 2014 година. Сепак, потоа започна доминацијата на Црвена Звезда, која ја освојуваше Суперлигата девет пати по ред.
Со титулата на Партизан, „вечните“ сега се изедначени на вечната листа. Од 2006 година, кога Суперлигата се играше за првпат, белградските гиганти освоија девет титули и сега го делат првото место.. Гледајќи ја вкупната табела, црвено-белите имаат 24 титули, две повеќе од Партизан.
