• Иван Димовски
Панатинаикос го потврди ангажманот на францускиот репрезентативец Гершон Јабуселе, кој потпиша тригодишен договор со грчкиот гигант. Иако клубот не ги објави финансиските детали, грчките медиуми пренесуваат дека 30-годишниот кошаркар ќе заработи околу 12 милиони евра за тригодишната соработка.
Η ΚΑΕ Παναθηναϊκός AKTOR ανακοινώνει την απόκτηση του Γκερσόν Γιαμπουσέλε για τα επόμενα τρία χρόνια.
———————
Panathinaikos BC AKTOR is pleased to announce the signing of Guerschon Yabusele on a… pic.twitter.com/4Fadd2qzKA
— Panathinaikos BC (@Paobcgr) July 8, 2026
Јабуселе зад себе има богато искуство во НБА и европската кошарка. Минатата сезона ја започна во Њујорк, а потоа се пресели во Чикаго, каде што во просек бележеше по 10 поени и 5,7 скока по натпревар. Во текот на кариерата настапуваше и за Филаделфија, Реал Мадрид, Асвел, Бостон, Шангај, Руан и Роан.
Во новата сезона Панатинаикос ќе го предводи српскиот стратег Жељко Обрадовиќ, кој ќе се обиде со засилениот состав повторно да го нападне европскиот врв.
Досега клубот го промовира Мустафа Фал од Олимпијакос, на пат е и Исак Бонга, а тука нема да биде крајот на засилувањата.
