• Саше Љолес
Неверојатен момент се случи во шпанската кошаркарска АЦБ лига, каде видовме кош каков што не се гледа секој ден во овој спорт.
Екипите на Морабанк Андора и Баскет Џирона се сретнаа во натпреварот од третото коло, а кога гостите беа на само чекор од победа, се случи нешто навистина неверојатно.
Андора имаше три поени негатива, а на семафорот останаа само 1,3 секунди. Топката дојде до искусниот Бразилец, Рафа Луз, кој буквално ја фрли топката преку целиот терен и успеа да погоди за израмнување кое го одведе мечот во продолжение.
Овој маестрален погодок на Луз донесе вистинска експлозија на трибините, а потоа домаќините успеаја да дојдат и до победа со конечен резултат 115-113.
За Андора ова беше прва сезонска победа, додека Баскет Џирона останува со три последователни порази во домашното првенство.
