ВИДЕО: Нова гостинска победа на Валенсија, Димитријевиќ со одличен учинок

За разлика од домашниот терен каде уште ја очекува првата победа во сезоната, Валенсија вечерва го продолжи максималниот ефект на гости во рамките на Ендеса лигата.

По Манреса и Сарагоса, тимот на македонскиот интернационалец Ненад Димитријевиќ славеше кај еден од најнезгодните тимови во лигата Бургос со 69-65 што е одлична најава за стартот на Еврокупот кој почнува во вторникот. Валенсија доминираше на теренот, водеше во најголемиот дел од мечот и не дозволи пред крајот да дојде до пресврт иако Бургос се доближи на само два поена негатива.

Ненад Димитријевиќ одигра 22 минути и беше еден од четворицата кошаркари во составот со двоцифрен ефект. Постигна десет поени, но и шест асистенции и ја потврди добрата форма во оваа фаза од сезоната.