• Сашо Поповски
Екипата на Бруклин Нетс нема да може да смета на својот најдобар центар ДеАндре Џордан за продолжението од сезоната во Орландо.
31-годишникот вчера соопшти дека добил позитивни резултати на коронавирусот. Тоа ќе го натера да остане во изолација, а поради страв од можни последици за своето семејство, тој одлучи да не ја доигрува тековната сезона.
Found out last night and confirmed again today that I’ve tested positive for Covid while being back in market. As a result of this, I will not be in Orlando for the resumption of the season.
— DeAndre Jordan (@DeAndre) June 30, 2020
Кошаркарите на Бруклин се уште не започнале со тимски тренинзи. Засега ги почитуваат препораките и внимателно го очекуваа крајот на јули, кога ќе започнат натпреварите на Флорида.
НБА лигата планира да ја доигра сезоната, но доколку се појави позитивен случај во Орландо, ситуацијата драстично би можела да се промени.
Идентична информација сподели и неговиот соиграч Спенсер Динвиди.
