• Иван Димовски
Кошаркарите на Денвер Нагетс запишаа победа по пауза од четири натпревари во НБА лигата, откако се радуваа на гостувањето кај Детроит Пистонс (100-119). Одново најдобар на паркетот за Нагетси беше српскиот центар Никола Јокиќ, водејќи ја екипата до убедлив триумф во „Литл Каесарс Арена“
- Детроит Пистонс - Денвер Нагетс:
Детроит солидно парираше низ текот на првите три четвртини на натпреварот, меѓутоа во последната доживеа колапс. По 91-91, домаќините дозволија серија од 28-9 до завршувањето на натпреварот, а токму таа серија беше клучна за високиот пораз. Јокиќ беше на чекор на нов „трипл-дабл“ со 30 поени, 10 скока и девет асистенции, а му помогна Колдвел-Поуп со 20 поени, исто колку што уфрли и МекГрудер од Пистонси.
На останатите терени Милвоки дома доживеа пораз од Индијана (123-139), Сакраменто се радуваше во Бруклин (96-101), Торонто беше подобар од Оклахома (128-111), а Феникс минимално го совлада Орландо (116-113).
