• Горан Упале
Јанис Адетокумбо и Виктор Вембањама поставија нови рекорди во своите кариери. Центарот на Милвоки Бакс го подобри својот рекорд од 55 на 59 поени, додека младиот Французин од Сан Антонио ги запиша првите педесет поени во кариерата во НБА, откако во првата сезона стигна до максималните 40 поени.
Без Демијан Лилард, Јaнис беше осуден сам да го води Милвоки против борбениот Детроит. Тој постигна неверојатни 22 поени во првата четвртина, која Пистонси ја добија со 27-24. Само Лопез ги додаде останатите два за Бакси. На крајот, Гркот го реши дуелот во продолжението (127-120) и зад своето име запиша 59 поени, 14 скока и 7 асистенции.
Во триумфот над Вашингтон, Виктор Вембањама подобри неколку лични достигнувања: постигна 50 поени за првпат во кариерата, погоди осум тројки на еден натпревар, стана клупски рекордер со „50+“ поени и „ 5+“ тројки на натпревар, и четвртиот најмладиот НБА играч со над 50 поени.
Претходниот рекорд на Французинот беше 40 поени против Њујорк Никс во март оваа година, а во победата над Вашингтон Визардс од 139-130 постигна 50 поени, но додаде скромни шест скока, две асистенции и три блокади.
Спарси, предводени од Вембањама, играат многу добро оваа сезона и сега стигнаа до шестата победа по само дванаесет натпревари и без Грег Попович, кој доживеа благ мозочен удар на втори ноември.
