• Мартин Танасковски
Плејмејкерот на македонската кошаркарска репрезентација, Ненад Димитријевиќ, во новата сезона многу веројатно ќе има нов клуб. Барем така гласат последните информации кои доаѓаат од Италија за неговата иднина.
Димитријевиќ не ужива голема минутажа во Милано и конкуренцијата е голема. Некако и не успеа да се вклопи кај Еторе Месина и неговите кошаркарски замисли, иако дојде во Италија по авантура од соништата. Деби сезоната во Евролигата ја игра, но и покрај тоа италијанскиот новинар Андреа Калцони објави дека Нено како што изгледа во моментов ќе бара нов клуб.
Neno Dimitrijevic's future now seems to be decided: he will probably change team next season.
The parties will deal in the next months for the termination of the contract.
Olimpia Milano, as already written, wants to sign Quinn Ellis.#EuroLeague #OlimpiaMilano #LBA pic.twitter.com/X6bkXBrglz
— Andrea Calzoni (@Andrea__Calzoni) March 16, 2025
Новинарот вели дека двете страни ќе разговараат во следните месеци за да го раскинат договорот кој е до 2026 година. Милано, пак, тргнува да го донесе Британецот Квин Елис кој настапува за Трентино.
Ненад Димитријевиќ дојде во Милано како звучно име и МВП од ВТБ-лигата, каде настапуваше за Уникс Казан. Македонецот претходно беше дел и од шпанските Валенсија и Хувентуд.
