• Зоран Мишевски
Екипата на Црн Дрим е првата која му нанесе пораз на Ангели од почетокот на новата првенствена сезона во Втората кошаркарска лига. Во салата „Нико Нестор“, стружани беа подобри од актуелниот лидер, и славеа многу важна победа со 79-74, која донесе и измени на табелата по четири одиграни кола во оваа конкуренција.
Шабани постигна 22, Камиловски имаше 18, а Ѓоровиќ уште 17 поени за домашната екипа, која ја запиша третата победа во четирите досега одиграни натпревари. Кај Ангели, Стојановски беше стрелец на 21 поен, Атанасов даде 13, а Балов реализираше уште 12 поени.
Екипата на Маџари брзо се рехабилитираше за поразот во претходниот круг од натпреварите, и стигна до повеќе од убедлив триумф на гостувањето во Струмица. Скопјани ја совладаа Академија ФМП со 58-94, во натпревар во кој Нацевски постигна 17 поени, Петкоски уфрли уште 15 за победничката екипа.
Втора лига (м)
Четврто коло:
Работнички 2018 – Бутел 88-90
Академија ФМП – Маџари 58-94
Црн Дрим – Ангели 79-74
Соколи 1933 – Охрид 95-63
Партизан Водно Санс – Мега баскет 95-82
МЗТ Скопје Уни Банка – Борец баскет 75-78
