Нема крај на проблемите, одложен меч и од следната рунда во Евролигата

Евролигата се соочува со огромни проблеми, бидејќи не може да комплетира ниту едно коло поради проблеми со коронавирусот во тимовите учесници. 

Откако беше одложено целосното 19. коло, а потоа и половина од 20. рунда, сега е јасно дека нема да се одигра барем еден натпревар и од следната. Екипата на Зенит нема да може да се сретне со Олимпијакос во рамките на 21. коло на Евролигата. 

Поради проблемите во тимот од Русија прво го одложија натпреварот со Асвел, а потоа и со грчкиот ривал Олимпијакос. Иако Евролигата донесе нов протокол за играње во услови на пандемија, сепак челниците се соочуваат со неверојатни проблеми. 

Утре стартува 20. коло на ова натпреварување, а ќе се одиграат само натпреварите меѓу: Фенербахче и Олимпијакос, Баерн со Жалгирис, Барселона против Армани и Панатинаикос со ЦСКА.