• Иван Димовски
Факундо Кампацо повторно се поврзува со враќање во Црвена Звезда, откако шпанските медиуми објавија дека белградскиот клуб ја следи ситуацијата околу аргентинскиот плејмејкер.
Кампацо настапуваше за Црвена Звезда во сезоната 2022/23 и за кратко време стана миленик на навивачите, а сега би можел повторно да го облече „црвено-белиот“ дрес.
Според информациите од Шпанија, Аргентинецот не е целосно задоволен од статусот во Реал Мадрид, а Звезда сака да ја искористи можноста и да доведе уште еден организатор на игра покрај Крис Џонс. Дополнителен фактор би можел да биде и тренерот Ибон Наваро, кој добро го познава искусниот плејмејкер.
Во минатата сезона од Евролигата, Кампацо бележеше просек од 12 поени, пет асистенции и два скока по натпревар, помагајќи му на Реал Мадрид да стигне до финалето на завршниот турнир.
